اک ویلا سی جدوں کمپیوٹر کھیڈ اکو جئے ہوندے سن۔ 1993 وچ ساڈے کول "کیژول گیم" [او وڈیو کھیڈ جنوں کھیڈن لئی بوتا وقت نئیں لانا پیندا] ناں دی اصطلاح تک موجود نئیں سی، ایس خیال دا تے خیر ذکر ہی کیہ کہ فرسٹ پرسن شوٹر [اس ویلے تئیں وڈیو کھیڈ دی اک بے نامی صنف] نوں اک "ہارڈ کور ٹائٹل" [ایہو جیہا وڈیو کھیڈ جس دے کٹر کھڈاری چوکھے جوش، جذبے تے جنون دے نال انوں بوت زیادہ کھیڈدے نیں] سوچیا جا سکدا سی۔ ایہو جئے لوکی موجود سن جیہڑے کمپیوٹر کھیڈ کھیڈدے سن تے ایہو جئے وی ہے سن جیہڑے نئیں سن کھیڈدے۔ او لوکی جنہاں نے گالف یا ہارپون یا ہارٹس یا ٹیکسٹ ایڈونچر جئے کمپیوٹر کھیڈ کھیڈنا شروع کر دتے، ایہو او "کٹر جنونی کھڈاری" سن جناں نے کھیڈ دے آپنے چُنے ائے میدان وچ بوت زیادہ وقت لایا۔
جدوں آخر کار مِسٹ تے سی ڈی روم نے ایس عوامی مارکیٹ وچ آپنی تھاں بنائی، تے کمپیوٹر کھیڈ دا ماحولیاتی نظام اُتے تھلے ہو کے رہ گیا۔ روبن ملر نے واضح کیتا اے کہ مِسٹ کی اوناں لوکاں دی دلچسپی حاصل کرن لئی بنایا گیا سی جناں کی کمپیوٹر کھیڈ کھیڈنا نئیں آندے سن۔ اے اوناں کی پسند آ گیا۔ کمپیوٹر گیمنگ ورلڈ جئے پُر جوش رسالے ایس صنعت دے ذوق اُتے زیادہ اثر انداز نہ ہو سکے: دسیاں لکھاں ایہو جئے لوک اے کھیڈ خرید رئے سن جناں نے اے رسالے نہیں پڑھے سن۔ اے کھڈاریاں دی اک بالکل ای نویں قسم سی۔ ایہو جئی صورتحال وچ اسی ۔ تے ۔ او فارمولا ترتیب دین توں ودھ فطری گل ہور کی ہو سکدی سی؟ سچی گل تاں اے ہے کہ اے پہلاں ای ٹھیک سی۔
مِسٹ دا ودھیا قصہ اے ہے کہ جدوں ایس دا آغاز ہویا تے کھیڈ دے "کٹر حامی" رسالیاں، اخباراں تے کھیڈاریاں نے انوں سخت تنقید دا نشانہ بنایا۔ اس توں بے پروائی دا اظہار کیتا۔ اوناں نے انوں اک تصویری منظر [سلائیڈ شو] قرار دتا۔ مُشکل، دشوار تے احمقانہ معمے؛ بہت زیادہ ترسیمی تے بغیر کسی گہرائی توں۔ پی سی گیمر میگزین دے مائیکل وولف نے 2001 وچ دعویٰ کیتا، "نقاداں تے پُرجوش کٹر کھیڈاریاں نے ایس کھیڈ اُتے عالمی سطح تے اس بنیاد اُتے سخت تنقید کیتی کہ اے اک تصویری منظر اے جس وچ کھیڈاری دا کھیڈ نال اصل تعلق یا عمل دخل بوت گھٹ ہوندا اے"۔ اسے سال میکسیمم پی سی [کمپیوٹر میگزین] دے اک کالم نگار نے مِسٹ دے متعلق یاددہانی کرائی کہ اے اک "خفیہ اشاریاں نوں قابلِ فہم بنان دا نالے آپنی تھاں بدلن دا اکتاہٹ دی حد تک تھکیا دین آلا بیزار کُن افراتفری دا عمل اے"، نالے اس ویلے دے نویں فیر بنائے گئے حقیقی مِسٹ بارے اے تبصرہ کیتا، "اک صاف تلخ یاددہانی، کہ اس دے مارکیٹ وچ آن توں پچھاں اخباراں تے رسالیاں نے پرانے اصل آلے مِسٹ نوں انا زیادہ تنقید دا نشانہ کیوں بنایا"۔